वास्तुशांतीचे महत्व

वास्तुशांतीला  वास्तुशमन  विधी म्हणूनही ओळखला जातो .

आपण नवीन वास्तू विकत घेतो किंवा आपली नवीन वास्तू बांधतो. वास्तू बांधून झाल्यावर त्या घरात प्रवेश करण्यापूर्वी वास्तुशांती हा विधी केला जातो.आपण ज्या जागेवर आपली वास्तू उभारतो , त्या जागेवर कित्येक वर्षापासून पशु -पक्षी , कृमी , झाडे यांचे, वास्तव्य असते.

अशावेळी आपण जेव्हा आपली वास्तू उभारतो तेव्हा नकळत जीव जंतू , झाडे झुडपं नष्ट केली जातात . आणि त्या जागेचा दोष हा त्या ठिकाणी राहणाऱ्या व्यक्तींना सहन करावा लागतो . अशावेळी नकळत जे जीव जंतू नष्ट झाले अशा गेलेल्या आत्म्याना शांती लाभून त्याचा पुढचा प्रवास सुखकर व्हावा , म्हणून जो शाश्त्रात विधी सांगितला गेला आहै त्या विधीला  वास्तुशांती म्हणून ओळखला जातो .

वास्तुशांती मध्ये वास्तुपुरुष प्रतिमेचे प्राणप्रतिष्ठापना पूर्वक पुजन करण्यात येत.  मुळातच  वास्तुशांतीची सुरूवात गणेशपुजना पासून होते . यानंतर पुण्याहवाचन , मातृकापुजन , नांदीश्राद्ध , मुख्य वास्तुपीठ स्थापना , वास्तुप्रतिमेचे प्राणप्रतिष्ठापना पूर्वक पुजन , नवग्रह स्थापना व पुजन , व शेवटी ईशान्य रूद्र पुजन करून हवन केले जाते. यानंतर धरा पुजन करून वास्तुप्रतिमेचे निक्षेपण केले जाते . ह्या  विधीला  इतर पूजेचा मानाने जास्त वेळ लागतो . शक्यतो हा  विधीला आपल्या घरातील व्यक्तीसोबत करावा कारण हा विधी जवळ जवळ आठ – दहा तास चालतो अशावेळी जर बाहेरील व्यक्तींना जेव्हा आपण आमंत्रण देतो त्यांचा पाहुणचार करण्यात आपले लक्ष हे विचलित होत.  वास्तुशांती पूजेवर लक्ष  केंद्रित होत नाही . म्हणूनच शक्य  झाल्यास आपण आपल्याला घरातील व्यक्ती सोबत करावा हा विधी पूर्ण करावा.